अकेले
kis qadar sīdhā, sahal, saaf hai rasta dekho
na kisī shāḳh kā saaya hai, na dīvār kī Tek
na kisī aañkh kī āhaT, na kisī chehre kā shor
duur tak koī nahīñ, koī nahīñ, koī nahīñ
chand qadmoñ ke nishāñ haañ kabhī milte haiñ kahīñ
saath chalte haiñ jo kuchh duur faqat chand qadam
aur phir TuuT ke gir jaate haiñ ye kahte hue
apnī tanhā.ī liye aap chalo, tanhā akele
saath aa.e jo yahāñ koī nahīñ, koī nahīñ
kis qadar sīdhā, sahal, saaf hai rasta dekho
-Gulzar
